Si nisi sherri mes shokëve tek ‘5 Maji’, gazetarja zbardh detaje: Po pinin kafe në të njëjtën tavolinë. Dolën për t’u sqaruar jashtë lokalit dhe Cungu e qëlloi

Gazetarja Dorjana Bezat raporton të tjera detaje nga plagosje tek lagjia ‘’5 Maji’’ në Tiranë.

Kevin Cungu dhe Rexhep Xhekja janë shokë dhe po pinin kafe në të njëjtën tavolinë të një lokali në fund të lagjes. Pas një sherri me fjalë kërkuan që të sqarohen jashtë.

Aty ka ndodhur dhe plagosja, pasi Cungu nxorri pistoletën dhe e qëlloi në këmbë 30- vjeçarin.

Për më tepër Policia ka shoqëruar disa persona që kanë dijeni për ngjarjen teksa Cungu vijon të jetë në kërkim.